گئتميشديم دوسيامين ناقيص اولان سند لريني اك له يم. مندن قاباقدا بير اوغلان دورموشدو، اوردا قادين ايشچي سي ايله انگ انگه وئرميشدي!!! من گلنده اونو بوشلوييوب مني انگ آلتي ائتمك ايسته دي. منيم ده دانيشماغا، دينله مه يه حاليم يوخ ايدي. سؤزلرينه جاواب وئرميرديم، هردن تكجه باشيمي ترپتيرديم. قادين ايشچي ده گولومسه ييردي. اوغلان " اختراع" ائله ديغي  سازي گتيرميشدي ثبت ائله سين( سونرا بيلديم اؤزونون دئييل و آيري شهرده ياشايان يولداشينين يئريندن گليب دير) باخدي منيم دوسياما، تبريز بيليم يوردونون آديني گؤردو، منه دئدي سن آزري سن؟؟ دئديم يوخ تورك دئسن داها دوزگون دئميش اولارسان!!! دئدي منده ائله توركم، آنجاق توركجه ني 7 ياشيمدان بئله اؤيرنميشم. دئديم بس اوندا نيه توركجه دانيشميرسان؟ من توركجه ني چوخ پيس " لهجه " يله دانيشارام و بو تورك ديلينه بير سايغيسيزليق ساييلا بيلر دئدي. دئديم ائله سن پيس لهجه ايله دانيش، تكي كي توركجه اولسون.( بو اوغلان او قدر دانيشيردي كي من ايسترسم اونلاري بوردا يازام 5 گون واقت آپارار( همده چوخو ياديمدا دئييل( ائله ده ديرلي سؤزلر دانيشميردي)))( سايين گؤرون ديرناق لاري دوز قويدوم ، آرتيق اسگيح اولماسين بيردن شوغلوزومه قالارام سيزه)

قيسسا سي بو: اوغلانين آتاسي اوشاق اولاركن ماكو دان كؤچموشلر تئهرانا، آتاسي دا هئچ توركجه باشارمير!! آما بو اوغلان، توركجه ني ياخجي اؤيرنميشدي، ياني چوخدا دوزگون و آز لهجه ايله توركجه دانيشا بيليردي. اوغلانين ايشي دايره ده قورتارسادا، مني گودوردو بيرليقدا چيخاق. دئييردي آناسي دا توركجه باشارماز!!!!

او قدر يورولموشدوم كي داها مئترويلا قاييتماق ايسته ميرديم، اوردان دوشدوق يولا و گئدتيك آرژانتين ميدانينا!!! اودا منيمله گليردي. دئديم من گئده جم ريسالته سنين يولون هارادي، دئدي " شهرك غرب"( اؤز يانيمدا دئديم آتاسي وارلي كارلي اولمالي دي) آيريشاندا دئدي تلفون نومراني وئر، تيراختورون اويونو اولسا بيرليكده گئده ليم. تلفونو وئرديم سوي آديمي سوروشدو.

دئديم.... دي. گولدو!!

-منيم آنامين دا سوي آدي ..... دي.

- نه گؤزل، قوهوم چيخديق دا!!!

- منيم آنامين كؤكو مرندلي دير.

- ائله منده مرندلي يم!!! و مرنده ده تكجه ايكي تايفا وار كي شؤهرتلري .... دي!!!

- آنام دئيردي بؤيوك باباسينين آدي" بابا ايميش"

- ائله منيم ده آتامين بؤيوك باباسينين آدي "بابا" ايدي.

  شاشقين گؤلدوك بير آز!!!! سونرا آيريشديق!!!

بو ماجرا مني بير فيكره سالدي!!!! كند ده بير عمي واريمدي آتا باباسينا چوخ گؤونندي، اونون بير ناغيلي ياديما دوشدو.  دئييردي، بيزيم باباميز، نصر الدين شاه زامانيندا وكيل ايدي. بير گون نصرالدين شاه، امير دن( فيكر ائليرم امير كبيري دئيير) آجيقلانميشدي، بابا يا دئميشدي گئتسين ديواندا اميرين بوينونا سامان تورباسي گئچيرتسين. بابا بو ايشي گؤرموشدو ، ياني ديواندا اميرين بوينونا سامان تورباسي سالميشدي. نئچه واقت سونرا،  نصرالدين شاه ايلا اميرين آراسي ساز اولار، و بابا قورخار كي امير باشينا بير اويون گتيره جك دير. اونا گؤره تئهراندان باش گؤتورب و گلميشدي اوجا داغلارين آرخاسيندا اولان بو كنده يورد سالميشدي!!!!